ايوا شنبت عندكم ذا العنوان راهو بعد ماهو عنوان اطروحة لنيل شهادة ولا بحث ولا يمت للموضوع بصلة، ماهو شوي من خروجو والرديد لماهو لاهي يزي ولاهو مبدل شي قطعا لاهي نسرسبولكم كالتالي:
1- القطاع الوصي بجهة العيون وتحديدا المديرية الجهوية للثقافة بجهة العيون الساقية لها قاسم مشترك قوي مع طائر الحبار في (تخيزين الراس ) وعدم مسؤوليتها ولا علمها بائ تظاهرة أو يكون الجواب ( لا هذاك غير الرالي دايز وجاب منصة أو هذوك غير صحاب الماتش) مع العلم ان المديرية مسؤولة عن المكون الثقافي في إطار النموذج التنموي ( هذه العبارة راه استغناو وحدين منها ودارو لاباس وجايتهم المسألة قريباً وعلى ضمانتي ) وعليه فإن أي مسمار ينطرح فذي الأرض عندو علاقة بالثقافة من موسيقى ومسرح وشعر إلا كان للمديرية دخل فيه وبقوة القانون، بمعنى أخر يمكن للمديرية ان تدافع أو تقترح دمج الفرق المحلية (وتفرضهم كع إلى بغات) بما ان اتفاقية التثمين بين مجلس جهة العيون وقطاع الثقافة تعطي مهمة التنفيذ للأخيرة، ومن أول بنودها (رد الاعتبار) ايوا غير هذ مصطلح رد الاعتبار راهو موضوع طويل وعريض وخاص( يندارلو يوم جهوي نحضرو كاملين ونتكلمو ونشوفو منين لحك ذاك).نرجع للموضوع وباختصار منين تعود المديرية دايرة على عاتقها الدفاع عن الفنان المحلي والله لا ندار شي فلعيون ماهو بأولادها هوما الأولى عاد البقية، ولكن هذا المفهوم ماهو فمديريتنا خلاعنا ولاهي صايبة لو ( صايبة الا تكرض فذا وفذاك ولي جا لاهي ينكالو راه هذوك كالو وهذوك لاهي يسمعو راه هذاك كال) وحتى التزماتها المالية شور الفنان المحلي حدث ولا حرج كافي ضرك الفرق آلى شاركو فالصيف مزال مستحقاتهم المالية ما توصلو بها وليس ببعيد عنا جهة الداخلة ومن باب الأمانة متهلية فنانيها سيان جايها (رالي الجن الأحمر ولا ماتش أهل دليكة) ،وفالاخير ماني لاهي نكول نتمنى الرسالة تلحك اصلا من عندي لالحكت يغير أدور تجي بايكة تلحكها على جمل مونك.
2- فخبار المجالس المنتخبة سمعت شوي من بيني وبينكم فيه 7 منصات بالعيون تحت إشراف أحد المجالس الذي بدوره أسند المهمة لأحد (الفاعلين في القطاع) الذي بدوره قام بتسجيل المجموعات العصرية طبعاً بدون عقد عمل حاليا لخالك ( الا بيني وبينك) منظرة كان ذا حك وكان فعلا السيد النائب المحترم كلف حد بالشق الفني وعطاه صلاحية الإختيار والتفاوض كيف سمعت ولا ذا ماحصل كع منو شي……..بيا مديرية الثقافة ماكديت نسولها لاهي ايجاوبوني (ياخي نحنا ذا ما يعنينا الا المجلس داير ونكالة) ودائما ذا بوسوير لفوكاني الا من خيال ذا زنيزنا وأي تشابه هو محض الصدفة كون بعد اخبار المسألة والله الا حك عندي .
